اصعب سوال

[بنت بابي]

هاي

هذا شعر مرا عجبني حبيتكم تشاركوني بقراأته << راسبه بالاملاء



( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيـت ؟ )
ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :
ان الحيـاه فبـعـد احبـابـك اذا جــف الـوصـال
ا تعيشها لو تقتنع انك خـلااص اصبحـت ( ميـت !!)
يـا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!
شفني قدرت احبس دموعي بس ( دمع القـاف ) سـال
ويا كبرها ساكـت ولكـن داخـل اوراقـي بكيـت !!
عمر الحكي مـا كـان دافـي لاابتـدى بقولـة تعـال
لجل اتجاهـل رجفـة حروفـي اليامنـي حكيـت ..
الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!
اتصور انك مـن رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!
مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..
يرضيك مـا عـادت معـي تفـرق اذا جالـك مجـال
لاني اقتنعت انك نهايـه وانـي ببطـي مـا بديـت !!
صرت ( اعقد حجاجي ) اذا جابوك باطراف الجـدال
وانا قبل لاقالوا اسمـك كنـي : ميـت ثـم حييـت!؟
تعبـت اعيـش الـدور وافتـح للمعـاذيـر الخـيـال
واتخيل انـي جيـت فـي بالـك وبانـك استحيـت!!
وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )
حتـى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..
قلي شسـوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..
ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!
واذا بـلاك الله وعذبـك اشتياقـك (( بـس تعـال ))
واقرى القصايد فـي غيابـك كلبوهـا بيـت ... بيـت
بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )

[ابو عثمان]

الله الله


هالقصيدة مثل الي

ينتحر خايف من الموت >>>> ولا حرف صح

جمل متضادة ردود (عنجهية) قوية

الا على فكرة وش معنى * عنجهية

المهم صدق لو معي ذاكرته متى نسيت

انواع الوناسة هع هع هع

كان يا ما كان

شكرا يالذيب

[بنت بابي]

والله مروورك العنجهية اذا كانت سبه اما اذا كانت مدحه يتغير الوضح

امزح عاد كل شي الا ادمن الراس الكبيير << فاهمه غلط
ثان.. عالمرور الي ما فهمت منه الا خايف من المووت

ودمت بود
بنت بابي

[ابن الحارة]

اصدقك القول


و الله ما فهمت حاجة


اه


اصلي لغتي عربية بالفرنساوي



ربي لا يحرمنا من هذا الكلام



صحصح يا ادمين

انها بنت بابي اياك اياك تبكيها




مع كل فهمي اني ما فهمت شئ



ابن الحارة

[بنت بابي]

ههههههههههههههه مرورك روعه يا صديقيني


ودمتم بود
بنت بابي

[امير المحبة]

يسلمووووووووووووو

تحياتي

امير المحبة

[بنت بابي]

تسلم عالمرووور امير المحبه
دوووم نشوف مروراتك :)

دمت بود
بنت بابي

[عاشق غلاهــا]

مشكووور اختي بنت بابي على الموضوع الرائع

والله يعطيكـ العافية

؛؛؛ نجمـ الحارهـ؛؛؛