قصتناااا ...... ونقل الوالدة

[بنت الوطن]

بسم الله الرحمن الرحيم


السلام عليم ورحمة الله وبركاته



سالفتنا اليوم سالفه ... مايدري الواحد ينقهر على نفسه او ينقهر على وضع المجتمع ... :q55p (17):

ابي اقصلكم عن سالفة بيتنا اليوم .....

الصبح وصلتنا امي مدارسنا وراحت مدرستهاا وبعد ماوصلت قالولها بعد ماطلعتي امس جاء البريد

وفيه خطاب بأسمك لازم تروحين لمكتب التوجيه الرئيسي ... قالت : طيب وش السالفه وش يبون ؟؟؟

قالو : ماعندنا خبر .... هذا الخطاب ولا وضح فيه وش يبون بس لابد من الحضور للأهميه ...

أمي الضعيفه قااالت : يمكن جتني الترقيه علشان كذا يبوني:q55p (41):

... واتصلت على ابوي تقوله السالفه ...

قالهااا : روحي الحين علشان يمديك ترجعين قبل ما يطلعون العيال ...

المووووهم راحت التوجيه وهناااك قعدت ربع ساعه تسأل وين الشؤؤن الإداااريه ... ويوم لقتهاااا

وتدخل عليهم وكل وحده تقولها وش عندك ؟؟؟ وتقولهم السالفه ....لين انهد حيلهااا :q55p (40):


ولقت الي طالبتهااا.


وبعدين بدت المهزله !!!!!!

المسؤله : خلاص خلاص انتي تروحين للمدرسه ..... او المدرسه ..... أي وحده تبين ؟؟؟

امي !!!!!!!! :q55p (71):


وش السالفه وش تقولين ..... تراني جيت مادري وش تبون والخطاب الي ارسلتوه مافيه شي يوضح

وش تبون .. جيت قلت في نفسي يمكن فيه ترقيه ولا شي ؟؟؟؟؟ :q55p (56):

المسؤؤؤؤله : لا يقلبي انتي زايده على ملاك مدرستك وقررنا مع حركة التوازن الجديده نقلك .

أمي : طيب أنا مااابي انقل من قالكم اني ابي انقل أصلاً ...أنا مرتاحه في مدرستي والحمد لله .

قااالت : لا مو على كيفك هذا نقل إجباااري ....

أمي!!!!!! :q55p (84):

يعني زي الي يقولون عنه تأديبي ؟؟؟؟ وش هذاااا ؟؟؟؟ :q55p (7)::q55p (7):

قااامت امي كلمت أبوي وقالت له السالفه . ونبهها لاتعطينهم وجه ولاتوقعين على شي وقولي لا .

أمي : بس يقولون هذا نظام جديد ولازم على الجميع ... قالها ابوي ماعليك أنا أدبرك قولي لا وبس

إلا إذا أنتي تبين النقل ... طبعاً امي ماتبي النقل ...

راحت لهم وقالت زوجي عصب علي وقال اتركيهم ... وصراااحه ماأقدر على الرجااال معكم علم الجااال ..

يقااالهااا أمي مسويه فيهااا ... ياحياتي هي ..

المووووهم ....

قالولهااا : شوفي يابنت الحلال زوجك مايقدر يسوي شي وحنا جيناك بالطيب ونخيرك بين المدارس

المحتاجه لك لكن إن طلعتي من المكتب راح نرسل لك قرار نقل إجباري وبختيارنا للمدرسه وإذا

مضى على القرار 15 يوم وانتي ماباشرتي في المدرسه الجديده راح يطوى قيدك ....

أمي : يطوى قيدي !!!!!! :q55p (84):

ورااااه وين حنااا فيه !!!!!

راحت أمي يابعدي هي في إحدى الزوايا واستخااارت وقاالت طيب ابي إبتدائي ماأبي ثااانوي ..

قااالو : ـــ وكنهم مسوين فضل عليهاا ـــ ابشري ندور لك إبتدائي محتاااجه ....

المهم وقعت على الإبتدائي ورجعت تاخذناا من مدااارسناا .....

ويوم جاء ابوي من الدوووام وعلى باله انهااا ماوقعت على شي زي ما قالهااا .......

ويتفاجئ انهااا سوت الي يبون مو الي تبي هي !!!!! :q55p (40):

طيب ليه مو قلتلك معليك منهم !!!!!!

أمي : ماااادري اكلوني بكلااامهم ولا قدرت اتصرف ... وكل وحده تقولي الحقي نفسك قبل

ماتروح الإبتدائي... ومااادري وشلون وقعت ....


يااابعد الدنيااا ابوووي من القهر مااانام الظهر ويقلبهاا يمين يسااار ..

ويسأل أمي أنتي تبين مدرستك ولا لا .

تقوله امي طبعاً ابيهااا ......

قااااالهااا ابوي خلااااص اتركي الموضوع ويصير خير ....... وحرك ابوي وااااسطاااته ....

ــ هذي أحداث أمس وكتبتهااا أمس وترددت في طرحهاااا ولكن جد جديد فقررت إني أعرضهااا ...

لأن ماجد أعطاني فائده عظيمه .... رغم عقم القوانين .....

يله عاااد كل وااحد يدخل يقولي وش رايه في مسؤلي التعليم ومدرائهااا ؟؟؟؟؟؟


وش رااايهم في طي القيد ... هذي بلحالهاا قضيه !!!!


معليش دعواتكم بالخيره لأن هذا الحدث رااااح يقلب موااازين العااائله كلهااا ....

[ضحكة شقاوه]

و عليكم السلام ورحمة الله و بركاته

يؤ يؤ يؤ يؤ يؤ

الحين إذا نقلت امك تبون تغيرون مدارسكم

يابعدي يانتم

تخبرين العام يوم يجي لـ ابوك نقل للقصيم

وسويتوه مناحه

هالحين وش تبي تسوون

و الضعيف ابوك حرم روحه من النقل علشانكم هالحين بكم النقل بكم وش الفايده

عسى ربي يفرجه للوالده و ييسر له امره و يكتب اللي فيه صالح له

[ابو عثمان]

الله ينقل مخه الي قالت لها توقع

الله لا يوفقها نعن ابو داركم وضو بنات خلق الله الي متخرجات

يدرسن باهليات والراتب كلة نقل ان ما حطت فوقة بعد

الله يعين

[من قدها]

الله يعين اخيتي


من امس وانا ضيق صدري وادعي لها بل خيره...............................عسى ربي يستجيب


بنوته اني انقل الموضوع الى منتدى اخر بعد اذنك.............................................ل اعدمناك

[بنت الوطن]

عسى ربي يفرجه للوالده و ييسر له امره و يكتب اللي فيه صالح له

آآآمين

مشكووووره مخمليه على المرور لكن ليش ماااعطيتيني رايك في القضيه نفسهاااا

ياااليت أعرف رااايك في تصرف إدااارة التعليم ....... وفي فكرة طي قيد موظفه لهااا 15 سنه خدمه

فقط لانهااا لم تنفذ النقل الإجباااري ؟؟؟؟؟

[بنت الوطن]

مشكوووور ابو عثمااان

والجاااي اعظم بس خل افضى شوي واسجل من أهلي بعض المعلومااات حتى تكووون دقيقه ...

[بنت الوطن]

مشكوووره من قدهااا

طيب ليه ماااقلتي رااايك في القضيه ؟؟؟

انا ماحطيتهااا إلا ابي نقاااش ...

والقصه وصاااحبتهااا حلالك سوي الي تبين ...

[بنت الوطن]

الحلقه الثاانيه من نقل الوااالده


بعدهاااا ابوي كتب خطاااب شديد اللهجه ....موضح فيه طريقة المعااامله والأسلوب الذي اتبع مع امي

وطااالب المسؤلين البحث والتحري في هذا الموضوووع ..... :q55p (40):


وبعدهااا كلمنااا عناااصر مهمه في إدااارة التعليم وفي إدااارة التوجيه... والكل يقووول إنهااا محضوضه


لانهااا إختااارت مدرسه نوعاً ما قريبه من منزلهااا ومن مدارس أبنائهااا ... هههههه :q55p (10):

والكل يقول بلعكس جتهااا من ربهااا وفقت في هذي المدرسه بعضهم يتبهذلوا آآخر بهذله !!!!!

لانهم ماوقعوووا على المدرسه الي خيرهم عليهاااا وقلعوووهم بمدااارس بعيييده !!!!!!:q55p (38):

لكن ربي وفقهااا لأنهاا استخااارت والله اعلم ..... :q55p (34):

المووووهم ابوي ماااأقتنع بالي جاااه وقااال لعب بزرااان هي فيه شي اسمه ديوان المظالم وفيه حقوق

الإنسان ونظام الخدمه المدنيه مو على كيفهم ......:q55p (84)::q55p (84):

وفي صباااح اليوم التااالي ذهب أبي إلى ديوان الخدمه المدنيه وتم إعلامهم بماا حدث .......


المفااااجئه للجميع ولا أتوقع أحد يدري عن الموضوووع هذاا .......

انه يحق للهيئه الإداااريه أن تطوي قيد موظفه مخلصه في عملهااا .... تقيمهااا السنوي 99% مع نقااط قوه

وكل سنه تكرم على إجتهادها وتفانيها بالعمل وتشهد المدرسه والتوجيه بقدرتهااا وعدم غيااابهااا بدون عذر

مدة خدمتهااا لأنهااا رفضت النقل الإجبااري !!!!!!!!!!!

أي مهزله هذه ؟؟؟؟؟؟ :q55p (28):

لا أستطيع أنى أكتب أكثر من ذلك لكم كااامل التعليق

والخيرة فيما أختااار الله وكلنا أمرنااا لله ................ عظم الله أجر الجميع وأحسن الله عزائكم ..

[ابو عثمان]

عظم الله أجر الجميع وأحسن الله عزائكم ..

الله يعين ما يضيع حق وراه (مطالب) <<< سابقاً (واسطة قوية) حالياً

والله ودي ادبركم لو انتم بالقصيم

اعرف القهوجية حقة المديرة(قير فرندز) هع هع هع

[بنت الوطن]

شاااكره ومقدره تفااعلك ابو عثمااان ...

لكن بالنسبه للواااسطه الوااالد ماااخلى ولا بقى ويعرف نااااس مايستهااان بهم

وكذلك جدي لأمي فهو بمرتبة وزير وله كلمه في المجتمع ولكن في موضوووع أمي

لا واااسطااات .... تولت الموضووع البندر ي المشاااري وهي رااافضه أي واااسطه ..

حتى لو كاانت الواااسطه من الأسره نفسهااا .... والموت مع الجماااعه أهون ..

[ابو عثمان]

اصلا يا حلوة

ما ينفع الا الواسطات الصغيرة

قهوجي

عامل نضافة

حارس امن

الامور ذي ما يدخلون بها الكبار لانها ما تستاهل

النظام يا بنت الوطن

تسجيل واسطات انا ارسلت لك فلانه سجل عندك واحد خدمة عن فلان الي يعمل هناك

جاني واحد يبي واسطة ارسلة لك وتخدمني غصب لاني خدمتك

فقضيت النقل ما تستاهل ما يدخل بها الا واحد مشي حالك

[بنت الوطن]

والله انك صااادق يابو عثمااان

الله من النفسيااات اي بيتنااا هـ اليومين

مشكوووووووووور على تفاعلك